14/11/14

14/11/14   FRI   COOL

今日都係忙忙碌碌啦, 朝早比鬧鐘柏仲嘈醒, 起身拖嗰隻大的起身出門口, 又係趕到爆, 又要影早餐相交專題研習! 落到去校車已喺到了, 好在趕得切! 返上去食奶摺埋衫就入去嫲嫲到, 今次到嫲嫲甩更, 所以揍落樓比佢唔洗上嚟, 跟住我就返工了, 返到去都係做吓自己嘢後又做吓公事咁啦, 午飯時老細已返咗, 把口又係唔停, 真係嘈到呢! 佢走咗先可以靜吓, 做吓自己嘢啦! 放工即閃去買餸回家攞齊嘢再去小童揍佢地, 今日程生可以一齊, 就交換換衫, 然後去泳池, 子元今日又失控, 愈叫愈走, 激死! 回家後慢慢煮吓飯咁啦, 然後夠鐘又落去接佢地, 回來沖好涼又要同D餸影相交功課, 正宗一雞幾味, 又要扮兩餐, 又要for埋敏瑩, 真係好搞笑! 搞掂終於有得食, 柏仲喺嫲嫲到食咗唔洗理佢, 但放佢喺地又走嚟搞搞震, 好麻煩! 飯後洗埋碗兩個大的做網上功課, 柏仲扭瞓老公搞掂, 不過今晚好心野唔多肯瞓係到扭, 所以佢地都早咗走, 10點多就走了, 咁我就叫子元快手刷埋牙我先沖涼呢, 之後都勁眼瞓好早瞓了!