15/11/14 SAT COOL
星期六明明係可以瞓晏D, 但柏仲又係6點多就醒, 真係好殘忍! 拖到7點幾起身搞掂佢就返工啦, 返到去首先攞相去曬, 因為星期一就要交專題研習! 之後都係hea吓吹吓水咁啦, 12點幾老公帶咗兩隻嘢上嚟啦,
柏仲大把人玩佢, 好開心呢! 放工去攞埋相就可以返屋企啦,
我就快手煮個雲吞麵, 再快手煲個粥比柏仲, 加咗D牛骨落去煲但未係好出到味! 不過加D我食開GE比佢食吓佢就食吓一碗啦! 食完等我執好嘢就同咗佢落遊樂場玩, 因為電視又冇咩好睇佢又未係好想瞓住! 都玩咗大半個鐘架, 呢到D樓梯任得佢爬, 好過喺屋企爬子元張床, 玩滑梯又成日用個頭落去, 好在都冇整親, 同場有個BB同柏仲差不多SIZE, 原來大柏仲個幾月, 即係已經1歲咗, 但又唔多願爬, 行就更加唔洗講啦, 所以柏仲真係好玩得! 3點幾返上去涼食奶瞓覺, 我都要休息吓, 完全唔願執屋呀, 做咗D基本嘢就算, 5點多老公揍番子元返嚟, 先做咗功課再溫習啦, 只係溫默書咋, 我見今個星期都冇教好多嘢,
冇溫住! 但搞得嚟都7點幾, 出去大家樂食晚餐算, 咁正地有個燒春雞套餐喎, 加多個火鍋, 超正呀! 最正係柏仲可以自己攞住支粟米嚟食, 我地可以靜靜地食嘢! 食完去超市買番D麵類飲品等就回家, 柏仲洗手抺面食奶瞓得, 子元就要再沖多次啦! 10點多K.O.哂佢地就可以睇吓電視啦!
<第一次玩遊樂場>
<樣樣都好新奇!>
<滑咗落嚟呆咗!>
<跟住掉頭爬上去!>
<比daddy整鬼!>
<食緊粟米!>
沒有留言:
張貼留言