5/11/14

5/11/14   WED   COOL

今日都係如常咁揍仔返學啦, 又係要捉先起身啦, 細嗰隻反而自動波! 返上樓餵完奶就入嫲嫲到啦, 食完早餐就返工啦, 今朝早要開會, 所以早上快手做好自己嘢就去受刑, 開到中午又好多嘢要做, 午飯後睇吓電視咁啦, 下午又要開會啦, 今日真係開會日, 攞命! 之後亦都唔少嘢跟, 又要預備明天商會開會D嘢, 因為朝早唔返架啦嘛! 放工去接笨元啦, 阿媽話同佢溫咗做咗卷架啦, 但返去都係要再溫, 中文佢始終都係差D! 返去沖好涼就煮住飯嚟同佢溫, 又要再睇吓功課咁呢, 總之忙到自己都唔知做咩啦, 洗碗抺地期間就叫佢做網上功課, 而家佢大致都做到! 唔洗太夜就瞓得啦, 柏仲就梗係9點多就食奶瞓啦! 終於自由啦, 又要執明天開會D嘢, 話哂開大會嘛! 12點幾先瞓呢!

<有個人仔又頑皮, 爬床頭櫃!>