23/11/14

23/11/14   SUN   WARM

今朝都係一早被嘈醒, 我就快頂唔住了, 可以點呢! 老公今日一齊揍笨元去畫班, 因為唔洗買餸, 明天諗住都係同笨元去睇一睇醫生, 咁星期二三都唔喺屋企食囉, 唔洗買餸啦! 回家hea吓老公k.o.咗柏仲, 我又要過番去接佢畫班, 心軟買咗個老翻lego人仔比佢, $8啫都抵玩! 行到過去上珠心算, 好在佢都唔算唔合作, 但始終冇咩時間同佢溫同做, 所以係背乘數表都係差D! 上完珠心算就回家收拾好再出去行吓街, 又要買番D襪比柏仲呢, 嚟緊凍佢都唔知著咩, 近近地去荃灣笨元可以睇吓玩具嘛! 先食咗嘢然後再睇玩具, 最後就睇衫, 搞掂就回家了, 返得去都5點多, 因為又喺遊樂場玩咗一輪先返去嘛, 沖好涼比支奶才食咗就暈, 老公就同柏仲齊齊瞓, 難為我仲要幫子元溫書, 先溫默書再溫番今個星期教的, 其實都好快溫哂, 之後咪比佢玩陣玩具先出去食飯, 今日太嫲生日飯, 近近地去桃園食咋, 不過柏仲全程都好搞家, 真係好怕出街食, 條友成日喺到叫, 又掉嘢落地, 真係都唔知自己食咗D咩, 係後來播歌比佢聽就肯靜少少啦, 影埋相食埋壽包就回家啦, 混混亂亂咁K.O.咗佢兩個先沖涼, 個人都呆呆地咁, 攰又瞓唔著咁囉, 所以都睇哂TEN先瞓, 明天就知死!

<著到咁都比人話係女仔喎!>

 <兩兄弟坐車中!>

 <試戴同款帽, 邊個chok D!?>

 <柏仲很愛玩遊樂場>