22/11/14

22/11/14   SAT   WARM

今朝都係晨早比柏仲嘈醒啦, 差不多8點起身梳洗後就餵埋柏仲先出門口返工, 返去都係hea吓啦, 放工3個就嚟接我啦, 行過去英華嗰邊, 因為子元區隊去踢友誼賽, 咪跟埋一齊去囉, 但好耐都未開始, 柏仲又扭眼瞓, 又冇去方比佢玩, 所以最終都係我帶柏仲回家先, 由於佢瞓咗, 又撘唔到巴士, 想撘地鐵又冇lift, 最終都係行返去, 反正佢瞓咗由佢瞓, 行咗差不多一個鐘先返到去, 佢就醒啦, 我就好攰, 佢又唔肯再瞓喎, 咁咪先整D嘢齊齊食, 然後再由佢周圍行, 我就抺吓地咁囉, 子元回來後要做好埋份專題, 都放佢玩吓算, 又唔係真係咁急切要溫書! 本來想出去食壽司, 但笨元都幾咳吓, 廢事嚇親人, 都係叫外賣算, 但8點幾先有得食呢, 最後9點幾就K.O.哂佢兩個, 咁都係再執吓屋休息吓咁囉!

 <比賽中!>

 <悶悶地周圍遊!>

 

 <又去枱底搞搞震!>