13/11/14

13/11/14   THU   COOL+

今日又係忙碌的一天啦, 要出去開會嘛, 朝早如常咁揍返學揍去嫲嫲到啦, 因為要去開會點都要著好D, 所以揍咗柏仲入去後都換番對高踭鞋囉, 返到公司快手做吓自己嘢先, 仲要print 埋陣間複選用的選票, 所以都真係幾忙吓! 約咗Nicho喺地鐵等, 一齊過去嘛, 1230要食拉票飯, 我地都早咗去到架啦, 但都已經有人到咗, 重點係我地老細都係要遲嚟, 其實都有D冇禮貌, 不過是但啦, 佢地OK就得啦! 食完餐虛假的飯就返商會投埋D虛假的票, 搞掂咪如願咁各自坐番各自的位囉, 我地做埋D手尾就4點幾走啦, 我話早走阿媽就幫我揍埋笨元過嚟, 我唔洗行多轉, 又帶咗午餐D餸尾返嚟食, 唔洗煮可以跟跟子元D功課輕鬆D! 未做的功課要佢做埋, 跟住要溫書等等, 差不多時間就整番熱d餸, 晚飯後做埋D手尾就默書, 唔識抄番3次, 但都冇咩心機, 星期六日先再K.O.佢! 兩個瞓哂我地都係睇吓電視打吓機, 11點幾瞓!