26/11/14

26/11/14   WED   WARM

今日好忙好忙, 放一日假啫, 洗唔洗咁忙呀? 朝早要揍哂兩隻入去嫲嫲到, 因為運動會後放假一天, 不過晏咗入去, 又要餵藥又要餵奶, 真係攞命! 食埋早餐我就閃了, 返到公司upload番哂D相先, 跟住寫番日記, 就要開始prepare中午開會D嘢, 12點多出咗去開會, 雖然lunch meeting, 但都開到兩點有多, 回來後整吓工展D嘢, 老公又打嚟講番笨元做評估D嘢, 原來政府嗰D要等一年, 才有得見醫生, 評估完係有要再等兩年先有得醫, 咁等法唔怪得D人個個去哂私家做評估啦! 不過私家真係好貴, 6K-9K不等, 聽到都驚! 再諗諗點搞先, 老公都好積極咁找資料又睇人地教授的講座, 叫做了解多咗! 我就忙住開會, 放工先得閒同佢傾! 今日返嫲嫲到食飯, 幾耐冇試過咁hea, 我食咗藥個人吽吽地, 但應付笨元陪佢玩吓, 柏仲都好快醒咗, 咪一齊入房玩囉! 跟住老公回來就食飯啦, 然後都係撘車返屋企咁囉, 返去沖涼餵藥, 笨元好合作地沖好涼就溫默書, 係默漏咗字囉, 比佢玩一陣就瞓啦, 我食咗藥都呆呆地, 睇埋新聞就瞓啦!