16/11/14

16/11/14   SUN   COOL

今朝又係6點幾就比柏仲嘈醒啦, 到7點多子元醒咗就趕咗柏仲出去比佢睇住到差不多8點我先起身, 快手搞掂就出門口去畫班, 奶都留番比老公餵! 程生要帶埋婷婷嚟, 所以都食到幾混亂吓! 之後我就去買餸返屋企, 再執拾好就出去接笨元再去珠心算, 條友上堂就打瞌睡, 激死! 落堂就醒啦, 死未! 約咗老公喺番美孚呢邊食完lunch再撘西鐵去poly, 因為有得睇Lego, 都幾好睇架喎, 唔算好大個場但砌得好正! 仲有個位喺比D小朋友自己砌, 咁就玩咗半個鐘, 影吓相咁囉! 睇完就回程啦, 返到去K.O.咗柏仲後老公K.O.埋自己, 我就同子元睇完running man再溫書執埋D功課手尾! 叫佢溫默書時話溫好, 到默嗰時就呆哂, 迫我爆佢啫, 喊完顛完咪又係要溫, 明明好快完成到梗係要拖都唔知為咩! 搞掂咪可以玩囉, 我就prepare埋明天D餸同湯, 但今晚真係冇心機煮啦, 叫pizza hut算, 點知子元柏仲都好搶食, 子元足足食4件pizza, 柏仲都食咗大半碗粥, 但又要搶pizza食, 咪比D邊佢囉! 之後放佢地入房玩, 等我抺好地就比佢地出番嚟玩, 到9點多就餵奶比柏仲瞓, 子元都9點幾就瞓啦! 咁我就等老公返嚟, 佢做外賣仔, 今晚食咗蛇羹, 正! 11點幾睇咗陣TEN就瞓, 老公瞓咗晏覺, 可以睇哂!

<DADDY出廳唔見咗個仔, 原來喺枱底!>

 <睇lego!>

 

 <走佬...>

 <子元睇得好開心!>

 

 <正在有得砌!>