10/2/15

10/2/15   TUE   COLD

今日差D趕唔切校車, 因為得番一部lift, 馬上打電話比炮哥, 叫佢留住架校車, 另一個又係住高層的就冇咁好彩, 佢係姐姐帶, 又唔識打電話嚟, 校車姨姨又只打到比佢媽媽, 最終冇等佢, 要自己撘車! 我就返上樓啦, 帶住豬仲落樓真係好搵自己笨! 返上去佢都係貼身膏藥咁痴住你, 等阿媽過到嚟我就返工買早餐啦, 醒起要去衛生署交錢, 結果又出咗去一朝啦, 中午回來hea吓又去買飯, 午飯後都係hea吓啦, 老細不在香港真係好! 下午睇吓旅行D嘢咁啦, 其實自由行都幾煩幾多嘢要諗! 放工就直接返去接更, 柏仲都算合作, 早午都有瞓, 子元亦都乖, 已努力功課中, 今日好顛有10樣功課! 老公回來我就安心去沖涼, 跟住就打邊爐, 慢慢食到8點幾洗埋碗抺埋地就睇子元功課, 最後溫埋默書9點幾, 一人mark一個瞓覺, 好好彩今晚柏仲冇嘔啦, 安心睇電視到11點瞓覺!