16/2/15

16/2/15   MON   WARM

今個星期仲要返工, 真係好鬼holiday mood, 條街都少咗好多人, 好多人都攞埋假啦! 不過我係留番復活節先啫! 今朝要揍哂兩個入青衣, 為咗提醒康傑仲有柏仲未收, 又係定時浦吓頭的時候了, 8點10先入到去, 都啱架啦學生入哂去起碼有幾個老師得閒招呼我地, 陳主任仲帶咗柏仲入去攞餅食! 送咗禮物同賀年卡吹陣水我地就走啦, 同嫲嫲交收咗兩隻豬, 又走咗架巴士喎, 唯有撘的士咁買埋早餐都仲趕得切! 今日都係做吓自己嘢多啦, 寫好日記過吓相, 就找吓新加坡資料咁! 午飯齊齊出咗去食個西餐團年飯, 下午又係做自己嘢囉, 找新加坡資料, 找到放工啦! 約咗老公行葵芳, 先去食pepper lunch, 然後就開始行街買嘢, 老公買咗條褲, 我就買到過年衫, 係短西裙褲款加短袖衫囉, 真係諗住今年唔會凍囉! 跟住買埋D紅底底, 去食埋個糖水都諗住閃, 點知大包話佢地仲喺荃灣未走, 咁我地再行多陣到差不多10點返去啦, 到我地沖完涼啦, 差不多11點佢地先返到, 笨元話佢地去咗飲宴喎, 老公問多兩問, 就估到嫲嫲帶咗佢地去三叔公司團年飯囉, 老公即刻黑面架, 我估佢唔like嫲嫲唔講囉! 快手同佢兩隻沖涼瞓覺啦, 咁我地就可以再睇新加坡資料啦, 1點多先瞓!

<西餐團年飯>

 <同老公二人世界中!>

 <開心足一日的柏仲!>