今日都係如常咁起身返學啦, 琴晚早咗瞓所以都算OK啦! 揍咗佢又返上樓到柏仲啦, 不過又要摺衫等等都真係好忙! 搞掂落樓都應該差不多, 咁啱同撘42個姨姨有私家車上荔景咁就梗係一齊啦, 所以都好準時入到青衣啦, 食埋早餐返工啦, 最搞笑係喺巴士瞓過龍唔知醒, 好在只係遲咗一個站落啫, 朝早都唔算太忙, 起碼早上都可以做自己嘢, 下午老細返咗嚟咪煩囉, 走過嚟吹水同散播細菌咁, 可惡! 食完tea放工啦, 過去接笨元, 先返屋企放低嘢換衫, 跟住再馬上撘車過葵芳, 嫲嫲話出去食, 當然係同埋大包kai哥一齊啦, 去咗食牛涮鍋呢, 不過帶住柏仲出去食嘢完全係搵自己笨, 加上佢又冇瞓晏覺, 完全係失控狀態, 大家亦掛住食唔多想理佢呢! 終於都食得完啦, 冇咩做就返屋企啦, 子元D功課我又未check, 柏仲又勁眼瞓, 返去沖個涼食支奶就暈咗啦, 大嗰隻都好快搞掂埋, 我都好快K.O.埋自己, 近來成日都唔夠瞓咁, 瞓又成日發夢, 真係好辛苦!
<食牛涮鍋你食雪糕筒!>
<去咗影羊羊!>
沒有留言:
張貼留言