11/2/15

11/2/15   WED   COLD

今日老公請假揍柏仲, 嫲嫲繼續休息! 一齊出去食咗早餐先, 我就返工, 柏仲就再去睇吓醫生! 返到公司都係做吓自己嘢, 睇酒店呀各類門票D嘢囉, 午飯去咗買飯, 食完打吓機睇吓電視咁囉! 下午sales要開會, 不過都係開一陣, 終於輕鬆D, 可以再繼續睇資料, 不過都有做吓公事! 放工去接笨元啦, 返到去見到間屋好亂, 又開始炆啦, 先要叫笨元放好嘢沖涼, 等我沖埋又要餵柏仲食飯先, 柏仲而家成日周圍搗亂, 真係好難搞! 混混亂亂咁又食完餐飯, 洗埋碗又睇功課溫書啦, 餵埋柏仲又哄埋睡, 終於可以休息啦, 今日又唔算好攰, 睇埋新聞先瞓啦!