14/2/15

14/2/15   SAT   COLD**

今日都係請假一天, 因為家長日嘛, 情人節嚟家長日, 雖則各位家長都冇咩慶祝架啦, 但都真係夠哂特別! 朝早瞓到柏仲嘈先起身, 梳洗執吓嘢, 忙忙碌碌咁又一朝, 10點多先出到門口過去學校, 仲要去食埋早餐喎, 喺大快活撞到炮哥一家, 本來真係想放低笨元比佢地我地再快見完就算, 不過都係唔好打搞人, 我地又帶咗學校風褸做樣, 可以扮有著校服呢! 入去見到程生就交哂兩個比佢, 佢仲同校長傾緊計呢, 我地等咗一陣就有得見, 唔知係咁啱放飯所以我地可以傾耐D定我地真係比較多問題, 足足傾咗半個鐘呢, 好多人喺group都話見得嗰5分鐘! 接番D仔就出街啦, 出咗旺角先睇Lego, 咁佢考到全班第7全級30, 都係唔錯ge, 睇咗好耐而柏仲喺車已瞓咗, 所以差不多睇完佢先醒, 冇份睇! 之後去睇鞋, 去咗朗豪坊睇唔啱, 都係去番奧海城, 行咗陣反斗城去咗食嘢再去買鞋, 本來想再睇衫, 但實在攞住太多嘢, 又冇推車, 帶住兩隻仔真係好難睇, 都係返屋企啦! 返去放低嘢收拾吓又出門口, 笨元就一返嚟就掛住砌Lego, 6點幾出門口去媽到食團年飯, 熱埋D粥比佢帶過去食, 去到佢梗係搞搞震啦! 回家後沖涼瞓覺, 今日出咗好耐街, 我都好攰!