5/2/15

5/2/15   THU   COLD

今日終於叫做正常番, 不過子元繼續放假一天, 但睇佢個樣已經冇咩事, 一朝早係到睇電視, 跟住又話個人熱, 咪比佢食多次退燒藥囉, 又唔肯同柏仲隔離, 個細GE又係衰係咁痴住阿哥唔放! 等嫲嫲出到嚟我就可以食埋個麥當當早餐返工! 朝早做吓自己嘢先, 下午開始又要搞商會D嘢, 真係好好好攞命! 好似做極都唔完咁! 老細下午又係到阻頭阻勢, 想休息吓都冇! 放工就買餸返屋企再去炮哥屋企攞番子元的功課, 好在有嫲嫲煮飯, 咁我就可以專心教笨元功課, 始於冇上兩日堂, 你都要教番佢書本D嘢, 唔似得幼稚園咁hea過都得! 淨下抄寫得我就去沖涼, 佢都叫做做哂先食飯沖涼啦, 有奶奶洗埋碗先走, 我又可以好好睇住兩隻嘢, 大家洗完白白仲可以喺床玩吓先瞓, 本來好安樂咁hea到11點多就瞓啦, 點知12點多時柏仲咳醒, 老公起身抱佢時發現佢火球咁熱, 一探之下38.3度呀, 馬上食退燒藥同咳水收鼻水嗰D啦, 好快又瞓番, 可能藥力發佢都叫做瞓到咁到5點多先再嘈啦!