4/2/15

4/2/15   WED   COLD

今日真係比笨元玩死, 朝早佢話肚痛, 咁都冇理咁多照比佢返學, 仲話佢真係有事要揍番都好近啫! 點知揍咗柏仲入青衣, 返公司做咗陣嘢啦, 10點多就收到學校打嚟, 話子元發燒要即刻接走, 真係比佢玩死, 阿媽又去咗覆診, 奶奶又揍住柏仲, 最終都係要我請假囉, 接咗佢, 交帶咗同學仔幫佢帶功課返屋企, 咁就同佢去美孚睇醫生, 去到都等咗大半個鐘先有得睇, 佢就要我抱住坐喺大腿瞓, 真係腳都痺埋, 睇完都冇話好嚴重, 但始於燒到38.2度, 都係麻煩, 比咗兩隻退燒藥佢食, 咁攞完藥返到去, 食咗個麵包就食藥, 坐一陣就迫佢入房瞓啦, 一瞓就瞓咗3個鐘, 中途起身出到一身汗, 幫佢換咗衫再瞓過, 瞓到3點幾起身咪食D粥食藥囉, 當佢BB咁照顧, 不過之後開始醒啦, 咁咪快D過Letty到攞埋功課返嚟做囉, 都真係幾多功課, 好在可以攞到返嚟做, 唔係之後先做實死! 做到6點幾先做得完, 柏仲同老公佢地都返咗, 子元又開始顛, 早D煮好飯食咗, 等佢兩個可以早D瞓, 我都要瞓, 明明今日都冇做D咩但都好攰咁! 晚上餐奶試吓比柏仲自己攞奶樽飲, 都叫做成功啦, 雖然間中要幫佢扶番正個奶樽!

<第一次成功自己扶奶樽!>