22/2/15

22/2/15   SUN   RAIN

今日又變回普通的星期日啦, 朝早瞓到柏仲嘈先起身啦, 子元要學珠心算, 咁hea到咁上吓就出去食早餐, 然後老公帶子元學嘢我就揍柏仲返屋企, 琴日的頭痛延到今日, 好在柏仲等緊車時已瞓咗, 咁我都瞓咗15分鐘, 舒服番好多啦, 返到屋企柏仲都瞓, 我咪可以攤抖吓囉! 等老公佢地回來柏仲又醒呢, 都係玩到hea過, 3點多整番熱琴晚食淨D嘢齊齊食就算, 4點多老公同柏仲齊齊瞓咗, 我都喺廳瞓吓, 子元就自己玩, 到6點幾醒了, 見出面落緊雨, 都唔方便出去食, 所以我就自己出去買飯回來食囉! 回來全部醒哂齊齊邊睇Transformer DVD邊食飯, 比笨元睇哂一套先瞓, 老公就襯子元瞓咗繼續睇下一套, 所以我地2點多先瞓呢!