8/2/15

8/2/15   SUN   COLD+

今朝拖隻笨先肯起身, 老公又話一齊出去又唔有郁咁, 好難搞, 不過敏瑩仲病緊唔去畫班, 所以唔洗就一齊食早餐, 可以晏少少, 買個包比笨元喺車食算, 揍咗佢上去我地先自己去食早餐, 柏仲又係搞搞震啦, 佢話好少有機會出嚟搗亂呢, 跟住周圍行吓, 我又想找婷婷用嗰條揹帶, 好在比我找到, 咁去旅行又去都可以放定喺袋, 有需要時揹吓嘛, 抱到手軟! 揍到子元後老公就同佢去珠心算, 我就同柏仲回家, 喺車已經瞓咗, 返到去都叫做瞓咗陣, 邊煮吓粥呀等等邊同佢玩吓囉, 到2點幾3點又係餵藥餵奶哄睡, 諗住佢可以好似琴日咁啦, 點知瞓咗個幾鐘咳, 又嘔醒咗啦, 今次真係身又係頭又係囉, 咪開水佢沖涼囉, 又沖到唔肯上水, 真係好麻煩! 之後到我好攰啦, 仲諗住可以休息吓嘛, 結果等老公佢地回來嗰時都好敷衍柏仲囉! 老公回來煮晚飯, 笨元沖好涼就做埋個小作家, 我又餵吓柏仲咁囉, 食完嘢安頓好佢地就可以沖涼啦, 沖好涼個人都舒服好多呢, 不過都早D瞓好啦, 難得兩個都冇咳住啦!

<又有禮物!>

 

<攰到顛!>

 

< 呢個都係攰到顛!>

 

<K pop ing!>