6/2/15

6/2/15   FRI   COLD

今朝真係太攰! 搞掂柏仲都6點, 瞓到6:36鬧鐘響之前4分鐘諗住唔好嘈醒佢地, 就關咗佢hea陣再起身, 點知一瞓就7:08, 真係堅大穫, 校車7:20就到, 最終我地用咗9分鐘就出到門口, 簡直係一路著衫一路出咁滯! 失策在唔記得咗帶埋麵包出去, 好在趕到校車後, 叫同學仔家長借咗$20, 再叫高年級姐姐返到學校後幫佢買, 希望條友仔唔會餓親啦! 返上樓又到隻柏仲啦, 燒退咗D但都一定要睇醫生架啦, 始終發燒都係去法國睇吓葉醫生好D, 話比嫲嫲聽叫佢出定荔欣等, 我就帶柏仲去睇, 搞到9點幾10點先睇到, 人多到呢旺角咁呀! 好在醫生話不是流感, 只係普通感冒, 都係食退燒收鼻水止咳藥就得! 排得攞藥都10點幾, 不過都好好彩行到巴士站就有42, 上到車柏仲就瞓啦, 瞓到落車郁佢先醒, 放低佢就趕返工啦, 餓到我死, 買個subway邊行邊食囉! 返到去都係做吓自己嘢先啦, 午飯後才開始fax商會D邀請信, 老細下午都返咗嚟, 但冇過嚟我地呢邊嘈嘈閉, 放工就閃了, 返過美孚買吓嘢再去接笨元放合唱團, 因為柏仲病病, 都係唔招呼客人啦, 接咗返元返去就沖涼食飯先, 之後就捉佢做功課, 奶奶幫手洗埋碗, 就可以安心搞掂兩隻細, 食埋藥瞓覺, 我地都可以休息囉!