9/2/15

9/2/15   MON   COLD

今日要過商會開會, 一早叫醒笨元返學, 之後返上樓又掛住找衫執袋, 仲要搞掂埋隻豬仲出門口去嫲嫲到, 都算快有巴士架啦, 入去食埋早餐就返工啦! 返到去都趕住預備埋開會D嘢, 今日得我一個擔大旗, Nicho病咗! 12點未夠出門口, 因為12:30要過到上環攞新passport, 真係勁方便囉, 用張通知書過吓barcode就攞張飛, 等唔夠5分鐘就搞掂! 於是行返去商場食嘢, 又找唔到食咩喎, 最終找到個天台花園, 好多人都買外賣喺到食, 我又有樣學樣去citysuper買外賣上嚟食, 望住個維港食飯都真係幾好feel! 2點過到去商會又回歸現實, 開會啦寫嘢啦等等, 4點閃得約咗老公喺金鐘站等, 一齊返去接笨元, 本來想早D走, 但見佢功課做得興起不如做埋先囉, 所以5點幾先走, 直接撘巴士入青衣食埋飯先, 不過嫲嫲病病地, 明天請假去睇醫生, 要阿媽頂更! 食埋飯撘的士走啦, 返去快手沖好涼睇好功課, 點知柏仲又嘔, 仲要嘔到周床都係, 又要換餐死, 搞到子元要等我地執掂嘢先可以再理佢呢! 10點幾叫做搞掂哂可以休息了, 打吓機睇吓電視, 11點幾就瞓啦!