18/2/15

18/2/15   WED   COOL
今日係年三十晚, 但都要返工, 真係幾無癮, 可能根本冇人記得我地仲返緊工, 又唔可以打去問我地有冇得早放, 真係好老土, 以前都有得早放架, 而家愈來愈刻薄, 有時真係好唔like, 但六合彩又未中, 冇法啦鬼叫你窮呀頂硬上! 朝早搞掂柏仲就出門口買早餐啦, 諗住買大家樂但竟然已經閂咗門, 可惡呀! 求奇買咗美心算! 上午都係做自己嘢囉, 繼續找新加坡資料, 又問吓maymay咁啦, 午飯要去759買糖放存盒, 跟住諗住買飯啦, 點知咩都收哂, 美心又得番D奇怪嘢, 又唔想咁貴食意粉, 最終食素嗰間買仲要得D餸尾, 好慘! 下午又係做自己嘢啦, 冇得早放咩, 開公數食個大tea, 話知佢! 所以食咗starbucks! 5:30準時放工走人啦, 直接返青衣食團年飯, 食完走都9點多, 回程時柏仲瞓咗, 仲要捉醒佢起身沖涼先瞓得! 我地搞掂哂都1點幾先瞓得呢!