1/2/15

1/2/15   SUN   COLD

終於到咗辛苦的一天了, 不過完埋都叫做了結咗一件事, 再去戰鬥另一件! 朝早8點先比子元叫醒, 好在佢知醒咋, 今日要學畫畫呢, 好在仲有程生車我地, 咁先唔洗咁趕, 食埋麥記就去學畫, 我就返去買餸整埋先出門口, 點知就遲咗啦, 好在程生揍埋過嚟學珠心算! 老公就一早揍咗柏仲入青衣, 今日大包過大禮呢! 咁學完珠心算買埋飯就回家啦, 食完飯就執好嘢先, 跟住要開始裝身啦, 真係搞足個幾鐘, 仲要都係戴唔到副CON, 唯有照戴眼鏡啦, set頭化妝後已3點有多, 真係要出門口, 都趕趕地呀, 不過都4點前趕到去啦, 跟住就開始係咁做嘢啦, 相都唔影到幾多張又影得唔靚, 可惜! 整好名牌又到整座位牌, 跟住開始愈來愈忙, 我都開始唔知自己忙咩啦, 總之咩都關我事啦, 幾個鐘好快過咗, 7點幾人到得八八九九, 不過老公佢地仲未到, 原來柏仲瞓咗, 抬到老公手軟! D嘉賓係咁加碼, 所以又要執番啱D數, 真係攞命! 到開咗席之後, 其實我都仲忙緊, 所以好似唔係好睇到咩事, 不過柏仲都好快醒咗, 但一打鼓時佢又驚到喊, 係咁要Daddy抱! 不過之後開始有音樂時柏仲就係咁左搖右擺, 又係咁拍手, 總之要幾可愛有幾可愛啦! 嘢食都真係幾好喎, 子元食得好多, 柏仲都有食呢! 抽枱獎時子元仲抽中咗$200, 我就抽中蟲草, 都算唔錯! 跟住都係忙呀忙咁啦, 不停抽獎唱歌啦, 子元又好叻仔咁抽到嘉賓利是$100, 我仲出去同Bob, 文君, 黎耀祥影相集郵添啦! 柏仲坐咗一輪要落地玩, 就去咗同D禮儀小姐玩, 又坐大腿又拖手仔又自拍, 真係羨慕死人! 可惜抽唔到咩大獎, 得基本$800囉! 抽獎都叫做順利GE, 不過完show都11點, 真係超攰! 一路行對腳就一路痛, 真係好辛苦, 子元又眼瞓但我又攞住好多嘢, 終於返到去, 點都要搞掂哂兩隻仔先可以沖涼, 差不多1點先可以坐落嚟休息, 真係體力嚴重透支, hea到點幾都已經瞓啦!