31/1/15

31/1/15   SAT   COLD

今日返工都好忙, 星期六都咁忙真係慘! 因為要prepare明天Annual Dinner D嘢, 做到點幾先走, 老公都有先見之明, 揍埋柏仲去球場等我, 咁我放得工就行過去球場搵佢地, 又撞見程生佢地喺附近午飯, 於是齊齊過去食埋先, 跟住等子元踢完波仲有車載我地返去! 老公負責柏仲瞓晏覺, 我就負責子元溫書, 不過都比佢玩吓先, 算係咁啦! 晚飯同程生佢地去咗食辣蟹坊, 超正囉! 不過都幾貴, 叫咗避風塘炒蟹, 辣酒海螺, 咕嚕肉, 娃娃菜, 黃金蝦, 要千一蚊! 不過真係好好食, 最好係可以揍咗柏仲上阿媽到再慢慢食, 真係舒服好多! 食完仲去麥當勞食雪糕, 肥死! 回家後快手沖涼瞓覺, 都10點幾囉!

<球場陪哥哥踢波!>

 

 <陪食辣蟹中!>