12/1/15

12/1/15   MON   COLD

又要返學啦, 我而家6點幾就自己醒, 真係攞命, 為咗唔嘈醒柏仲, 頭都唔入房梳啦, 快手搞掂笨元出門口, 返上屋後已聽到柏仲叫聲, 咁咪餵奶執嘢出門口囉! 跟住就出門口啦, 點知都等到8:40先有42, 入去食得早餐返出嚟已9點幾, 太晏了! 朝早都係做自己嘢啦, 寫番兩日日記, 又要好詳細咁GE, 之後又要預備吓, 因下午會過JW睇場, 午飯食得勁飽下, 完全唔餓囉! 3點幾出門口過到去等埋法仔先上去, 咁啱老公喺金鐘喎, 咪叫埋佢一齊嚟睇囉, 基本上你話個場好靚, 一定唔係囉, 所以都係盡力咁去做, 本來就好地地GE, 係個老細D要求煩先會令進展咁慢GE啫! 睇到差不多5點先走, 阿媽話幫我揍子元返屋企, 咁我就同老公一齊返青衣接柏仲, 又買D餸加吓料! 接完柏仲就撘的士返去啦, 快手沖涼煮飯, 8點半已經搞掂可以執嘢, 柏仲都眼瞓, 所以9點已K.O.佢, 子元就9:30, 所以可以好早就休息, 10:30就入房瞓, 幾勁!