11/1/15

11/1/15   SUN   COLD+

今日回復平淡, 朝早7點柏仲已經嘈, 7點幾起身梳洗餵埋奶, 總動員出發去揍子元畫班, 因為老公話去長沙灣買餸, 今晚媽過來食飯, 食生日飯! 咁再返美孚買埋下半場, 佢就返屋企整嘢, 我就要返去接笨元再上珠心算囉, 跟住仲要攞住敏瑩D游水嘢買埋飯返屋企, 攰到顛! 食完飯就玩, 玩完就睇Running man, 睇完先開始溫常識, 考試考到佢咁輕鬆真係難得, 用咗醫生教的生動方法去教, 佢又好似裝字裝得好咗, 希望真係一理通百理明啦! 溫咗個幾鐘叫做完成哂啦, 又有得玩, 加上柏仲醒咗, 阿媽阿婆佢地又過嚟, 柏仲正好迎賓! 我地就煮飯咁囉, 都等到8點前先有得食, 跟住就影吓相砌蛋糕咁啦, 好在阿婆個工人嚟埋幫手洗咗碗, 咁我又唔洗咁辛苦! 9點幾佢地就走啦, 咁先K.O.柏仲食奶, 再交比老公我就打暈埋隻大的瞓覺, 我先可以沖涼, 可以休息吓, 不過又係梳化瞓到1點幾先入番房瞓呢!