22/1/15

22/1/15   THU   COLD

今日終於冇咁忙, 如常一早叫醒笨元返學啦, 跟住等奶奶過嚟揍柏仲, 因為今晚子元要過林醫生到做治療, 所以要奶奶出嚟, 跟住我就同老公出門口食個早餐先返工啦! 佢好快搞掂就可以回家睇住柏仲, 我咪繼續囉, 都少少忙啦! 午飯後都係咁做吓嘢啦, 好在老細今日唔返, 咁我就順利5點3早D走過金鐘, 6點多D齊齊過到去, 子元就做治療, 柏仲就周圍玩囉, 佢當遊樂場啫! 1個鐘好快過, 做完後治療師會同我地講番點train番佢D手指弱點, 咁就要比錢啦, 咁就千三蚊啦, 真係好赤! 最好少係子元話想帶埋敏瑩嚟玩, 回家後仲同我講想再去呢個club house玩, 呢個會籍真係貴啦! 喺金鐘食埋個晚餐, 係一間都貴貴地GE拉麵, 不過又真係幾好食喎! 返到美孚老公去踢波, 我就要揍住兩隻返去, 仲要沖涼啦, 柏仲又開始咳得勁咗喎, 食完奶我都知佢實嘔架啦, 所以都唔放佢落床住, 等佢咳番幾次先, 終於兩個都瞓哂, 都10點多囉, 老公回來後柏仲又醒咗, 又嘔一次, 好在快手抱起及動作啱, 只嘔落地, 呢D真係經驗足夠啦! 晚上到我都係有D咳, 唉!