21/1/15

21/1/15   WED   COLD

今朝如常咁叫笨元起身返學啦, 柏仲醒醒地都唔理佢啦, 搞掂回來餵奶摺衫等, 隻衰豬仲要辦大事, 搞到遲咗出門口, 好在班車830先到, 就入去食埋早餐先返工! 朝早開始已經好忙, 冇法啦, 下午咁多會開咁多嘢搞, 好多預備功夫要做! 午飯係休息時間嘛, 點知佢地咁早返嚟, 阻住哂人地睇星星! 下午開馬拉松會議了, 真係命都冇, 3點多開始先喺自己公司開咗先, 頭都痛埋, 好在老細太都喺到, 可以多個人阻住佢吹水, 4點多同production開啦, 又係吹水多, 幾辛苦先拉番佢入正題! 仲要overrun, 搞到我6點幾先走得, 有先見之明已叫媽揍咗子元返美孚, 我放工直接返去就得, 去百佳買多少少餸, 因為反正媽唔洗煮飯比妹食, 所以喺到食埋先走! 返去忙碌完食埋飯洗埋碗就沖涼再幫子元執埋手尾, 可以K.O.佢兩隻嘢! 可以睇電視, 又睇吓酒店嗰D囉, 睇埋星星先瞓!