16/1/15

16/1/15   FRI   COLD**

今日要去開會, 所以點都要著好少少, 朝早唔理好嘈的柏仲啦, 因為唔夠時間同佢著衫落樓, 揍咗子元返上嚟就OK啦, 摺埋衫先出門口, 但趕唔到巴士所以遲入到去, 咁就返到公司先食早餐啦! 朝早做咗自己嘢先啦, 下午又要出去開會啦, 食完飯Nicho打嚟約埋喺地鐵等, 過到去老細已經到咗, 但都冇咩所謂, 做好埋D公務就開會, 其實本來3:30已開好哂會D人都走哂, 係我老細唔肯走, 搞到我都要4點有多先閃得, 結果就勁趕地過去揍笨元同敏瑩, 喺南昌站出都行好遠, 若我著波鞋應該冇問題GE! 終於趕到接咗佢地都係4:50啫, 唔算太遲! 跟住行過去美孚間惠康買一買嘢先, 但D嘢真係太貴, 買嚟打邊爐唔抵, 所以先送咗佢地去小童, 重新pack過D行裝, 我再去街市買料, 不過攞住2個書包1個手袋, 2袋食物1袋衫, 真係會攞唔掂架, 最終都抬到返屋企啦, 唔係可以點呢! 真係攰到顛咗, 但都唔容許我休息太多, 又要準備好出去揍佢地游水, 呢轉叫做冇咩拎, 換好衫入去, 老公喺泳池口等我地, 齊齊返上樓準備打邊爐D嘢, 差不多夠鐘又要去接佢地, 程生佢地完全未有音訊去到邊, 所以返上樓後笨元沖好涼就同敏瑩沖埋, 兩個食埋烏冬啦, 程生佢地先上到嚟! 咁都係照食架啦, 柏仲9點多已經捽哂眼, 所以餵埋奶K.O.佢, 我地繼續打, 到9點幾10點先執嘢洗碗, 佢地10點幾都走啦, 咁我就沖埋涼趕得切睇星星, 睇完仲未眼瞓喎, 咪睇多陣電視先瞓囉!

<放學乖乖樣!>

 <擺明係落機鋪look啦!>