14/1/15

14/1/15   WED   COLD

今日咁凍, 點都唔帶柏仲落去, 反正老公已被嘈醒, 快手搞掂子元出門口啦, 返上來後就餵奶摺衫呀等等, 啱啱8:20落到去有42喎, 超好彩! 食埋早餐返工啦, 今日一定唔洗走出去啦因為下午要開會, 所以朝早做哂自己嘢先, 午飯後又睇星星, 真係睇幾多次都好睇! 下午要開會啦, 真係好唔鍾意, 其實本身開會我係OK架, 但成日都要防住嗰條友咁我真係覺得好辛苦, 揍仔咁唔可以比佢離題, 否則開到天黑都未開完, 跟住又要GUIDE住佢去答問題咁決定, 想鬧佢又唔得真係好辛苦! 最終叫做決定咗好多嘢啦, 跟埋手尾, 夠鐘放工都要閃了, 今日要揍咗子元返屋企放低嘢, 再入青衣城同老公佢地會合, 去咗食壽司玩車仔, 又去ZARA買咗鞋等等, 我都買到對平等鞋, 子元買咗對優閒鞋! 仲去買埋個固網電話, 因為真係壞咗好耐, 跟住打的返去啦因為已經9點幾, 返去快手沖好涼餵奶等等, 10點多K.O.咗柏仲, 10點幾K.O.埋子元先可以去沖涼, 睇哂星星先瞓!