19/1/15

19/1/15   MON   COLD

今日不算忙碌啦, 都可以做吓自己嘢, 朝早如常揍笨元撘校車啦, 不過佢起身後勁慢, 搞到我火起! 返上樓到搞掂柏仲啦, 今日嫲嫲過嚟, 因為老公晚上有嘢做揍唔到柏仲回來, 咁等的期間咪煮吓早餐囉, 不過返到公司附近都係忍唔住買咗通粉食! 朝早都係做自己嘢, 無無聊聊咁, 午飯去咗買飯呀, 食完就睇吓電視囉, 下午都係做自己嘢, 睇酒店機票D嘢, 睇咗好多但真係花多眼亂! 放工返去接笨元, 終於出埋中文同常識個成績, 原來中文唔係70分, 係90分, 咁都可以錯! 常識唔係99, 係98, 都係全班最高分, 難得! 回家後先叫柏仲自己搞掂, 跟住就要煮飯啦, 雖則奶奶喺到睇住柏仲, 但因為個衰仔冇瞓晏覺, 所以都顛顛地架啦, 7點幾食得飯, 老公都好早返得到嚟啦, 我洗得碗都8點幾囉, 終於可以沖涼, 老公回來食D嘢就幫奶奶推番架超市購物車落去, 我沖完涼就先K.O.咗柏仲再執埋子元D手尾, 終於可以休息了, 齊齊上網睇旅行嘢, 最終買咗新加坡機票啦, 係貴架啦, 但當時又決定唔到冇法啦! 睇埋星星都12點幾先瞓啦!