20/1/15

20/1/15   TUE  COLD

今日都算少少忙啦, 朝早要早D揍柏仲入去, 因為830要去學校幫子元買書, 點知愈想快就愈等唔到車, 真係激死, 結果都要835先入到青衣, 好在即刻有車出返嚟, 所以食埋早餐先去買都係9點多啫, 要幫敏瑩買埋, 咁又要對書喎, 最終都冇攞書去校務處, 都係返去包完先交好D! 抬住兩袋書先去敏瑩樓下交低一袋, 跟住就返公司啦, 朝早都係吹吓水做吓自己嘢啦, 午飯後咪睇電視囉, 下午老細唔返但都可以搖控你做嘢架啦, 又要找Annual dinner D人出唔出席, 食完TEA又放工啦! 估唔到係老公早放到可以早去接柏仲, 仲過埋嚟公司等我, 齊齊去接笨元回家, 又係忙忙碌碌煮飯啦, 8點幾9點先掂哂可以睇子元D功課, 又新書又舊書咁好亂, 本來想包書又唔夠包書膠, 最終只包到要交嗰幾本先! 10點終於可以坐下休息, 竟然開始眼瞓, 本想休息吓再睇星星, 但醒番時竟然已經連星星都做完, 可惡! 連老公都齊齊喺梳化瞓咗, 咁醒咗咪入番房瞓囉!