15/1/15

15/1/15   THU   COLD

今朝柏仲嘈到唔帶佢落去都唔得, 咁子元早咗起身可以夠時間同柏仲著衫落樓! 返上嚟仲要摺衫等等, 所以都遲咗出門口去嫲嫲到! 食埋早餐先閃, 返到公司都係做自己嘢先啦, 午飯後不久細又返咗嚟, 阻住哂睇星星, 下午頂唔住老細成日問禮儀小姐D衫點, 於是出咗去金都自己找, 終於找到一間係有現貨可改, 仲要只係$250買走! 因為要比老細睇吓個樣, 但其實人地係唔比影架嘛, 我咪打比老細講囉, 佢又係都要睇相, 真係難為我, 最終人地都比影, 老細亦覆咗OK, 咁就安樂去搞掂啦! 回公司後做埋D手尾食吓tea咁又放工, 返去接咗笨元就回家, 笨元又慢手慢腳咁激死我, 最後搞到8點開飯啦, 9點前完成哂就捉佢入房睇功課等, 其實佢都OK架啦, 沖完涼自己做埋份phonics, 係一到執書包就煩囉, 我有時都覺得我一個大人都要好仔細先執得掂! 最後搞掂哂D嘢都10點先瞓呀! 我地就可以休息睇電視啦! 明天要開會, 所以睇埋星星先瞓, 仲要齊齊食麵宵夜!