13/1/15

13/1/15   TUE   COLD RAIN

今日落住雨仲要揍柏仲入去, 真係好大工程, 知佢醒咗但都唔可以揍佢落去送校車, 因為都真係幾大雨吓! 之後入青衣要全副武裝, 真係揹到腰都痛! 因等咗好耐車, 所以返到公司先食早餐, 諗住今日安安定定啦, 點知又話要過去觀塘交廠牌費用喎, 梗係放工前先過去交啦! 朝早繼續做自己嘢, 午飯後睇吓電視咁啦, 下午整多陣嘢就出去啦, 遇鬆D時間出去, 交完去咗APM行個圈, 發覺唔同埋老公一齊我竟然唔識去買衫咁, 真係好奇怪! 冇咩好行就回家啦, 撘到加40幾好呀, 好快返到去阿媽可以收工, hea吓睇吓電視6點幾沖涼煮飯, 因為今日唔係太多嘢煮! 晚飯後做好嘢都係八點幾啫, 但要執拾好子元明天返學D嘢, 又要餵柏仲喎, 本來諗住教佢自己攞奶樽飲架, 但放咗佢喺梳化, 比咗支奶佢攞住架啦, 只係因為我托一托放入佢口, 佢就即刻放手唔自己攞, 但繼續飲喎, 結果我要攞住比佢飲, 真係捉蟲! K.O.埋佢瞓咗就到子元啦, 10點多可以睇吓電視啦, 今日好似有D精神, 可以睇晒星星先瞓呢!