17/1/15

17/1/15   SAT   COLD

今日都係平常的星期六咁啦, 朝早等柏仲叫醒我, 就起身返工啦, 返到去做吓自己嘢, 星期六都係要休息吓先得, 仲有就係整吓證件相, 要續番個護照, 唔係點去旅行呢! 放工買飯返去食, 只夠時間抺吓地, 3點左右又出去門揍子元去乒乓波啦, 跟住好忙咁又去攞相又去買嘢, 夠鐘去接番笨元本來都只係回家再諗吓去邊, 咁啱程太找我地話攞定游水D嘢放我地到, 咁佢地又出車喎, 我又想去萬寧入貨, 最終坐埋順風車返屋企, 知道佢地去黃埔冒險樂園, 咁我地又跟埋去啦, 因為都諗唔到去邊, 咁我地自己撘巴士入去, 塞得車嚟都6點幾7點先到, 都啱架啦, 敏瑩要整嗰D手工子元唔啱玩! 咁入到去先食嘢先, 因為敏瑩扭玩具, 程生又要出一出車, 所以我地兩個揍住3個喺元氣等, 3個都嘈時真係好攞命! 終於嚟齊哂啦, 跟住又到柏仲開大, 真係忙碌到不得了! 食完就去冒險樂園玩囉, 又波波池又車咁, 玩到9點幾呢, 子元好好彩, 彈彈青蛙休息佢唔洗玩, 變咗玩彈彈車, 都係驚架啦! 程生車埋我地返去先, 又屈蛇! 返去沖涼快手K.O.哂佢地, 我地都超攰了!

<程生咁好力!>

 <4個齊齊玩!>

 <得番你GE柏仲!>

 <叫婷豬陪你啦!>

 <敏瑩免為其難陪子元玩Thomas!>

 <未開車時好神氣!>