23/1/15

23/1/15  FRI   COLD*

琴晚自己都咳醒咗, 希望食成藥OK啦! 老公就請咗假同柏仲去睇醫生, 難得近近地有個OK, 於是食完早餐就去睇我就返工, 都係咁做嘢啦, 忙到顛咗咁, 真係廁所都唔得閒去, 到中午先叫做可以停落嚟, 都係搞Annual Dinner D嘢啦, 午飯後睇吓電視咁, 下午終於閒番少少啦, 不過都係有嘢做! 放工買餸返去啦, 不過老公又想出去食, 因為敏瑩有D燒不宜游水, 所以佢地都唔上嚟食, 咁就帶埋柏仲去小童接咗佢地先, 程太趕得切去體育館會合, 咁佢就揍敏瑩去睇咗醫生先, 我就揍子元去游水, 老公就去買米線, 柏仲而家衰到呢, 唔肯拖住行要落地亂衝! 終於返到屋企, 先食咗米線, 柏仲唔肯落地要你抱住食, 終之就唔比你安樂食嘢啦! 咁8點落去接番笨元, 回家沖好涼佢就食烏冬啦, 跟住到我沖涼等等, 仲要餵柏仲食奶, 可能食咗藥又好瞓D啦! 子元呢當我叫佢做功課時, 佢竟然話全個功課袋留咗喺學校, 嗰吓真係咩火都撞哂出嚟, 咩都漏又唔見漏咗你喺學校! 好在佢D功課冇放入去, 叫做可以做囉, 但叫佢做啦佢就伏咗喺枱瞓咗, 咪叫佢明天起身再做囉, 都知佢今日攰GE! 10點多終於到我地可以休息吓, 不過我仲係咁喺到執屋, 佢地咁喺屋企一日間屋真係好亂!