7/2/15

7/2/15   SAT   COLD

今朝明明已經8點前起身, 但都過哂9點先出到門口! 因為子元可能病完好多POPO, 搞到放個屁都放埋出嚟, 又要幫佢執手尾, 佢D自理能力好似倒退咗咁, 定我要佢做GE嘢多咗呢, 跟住餵完柏仲, 都未坐番直個身又嘔喎, 我都一身都係, 今次呼救老公終於肯起身救我啦! 結果搞掂哂所有嘢仲要餵埋藥已9點多囉! 買個早餐返去嘆吓先啦, 今日又唔算好忙, 做吓自己嘢咁囉! 跟住就放工時老公揍柏仲嚟啦, 子元要去踢波比賽呢, 放工又揍番柏仲回家, 煮咗D粉佢食, 我自己就食烏冬囉, 2點幾比埋藥佢食就食奶瞓覺, 對我好好咁瞓咗3個鐘呢, 我就抺咗個廚房, 休息吓咁囉, 都睇咗一套劇! 跟住等柏仲醒咗就去葵芳同老公會合, 食晚飯後行咗陣啦, 回家沖涼細嗰隻又瞓啦, 大嗰個掛住砌新買嗰盒模型, 砌到12點先肯瞓!