13/12/15

13/12/15   SUN   COOL

今朝都係照常啦, 去學畫班! 帶咗程生去德貞嗰邊間茶記食, 又去買吓餸咁, hea到夠鐘去接佢地, 返到屋企老公搞掂仲仲, 我就要同子元溫中默, 條友肯溫吓都係差少少未識, 咁星期四先默都仲有時間GE! 12點幾佢又要出門口去踢波, 我就在家睇住仲仲, 又要摺衫, 仲欠我未換季, 點知換到2點幾柏仲醒咗, 咁就唔搞住直接出去球場找笨元佢地, 一齊食午飯先回家, 返到去又要執埋D衫, 跟住又要煮咗飯比老公帶去醫院比奶奶食, 之後佢仲要去踢波喎, 得番我一揍二, 變咗冇得同子元溫書, 叫咗佢喺房自己玩, 我就喺廳睇住仲仲, 兩個唔一齊玩冇咩事架, 但到我要煮飯時, 子元就掛住睇電視完全睇唔住柏仲, 搞到佢做哂危險嘢, 又攞剪刀又玩潔手液, 真係人都顛! 終於食完餐飯洗碗, K.O.埋柏仲就沖個涼再幫子元快溫陣書, 就放佢去瞓, 我都要抖吓啦!