7/12/15

7/12/15   MON   COLD

今日好忙好忙呀, 我真係好怕咁忙, 我個人就好亂架啦! 朝早仲仲未醒, 咁叫醒老公整飯比子元啦, 然後就捉佢起身啦, 趕得切車返學, 跟住就揍仲仲入嫲嫲到啦, 因為佢差不多8點才起身, 所以只可以撘遲一班車, 買埋早餐返工啦, 跟住就開始做做做啦, 話咁快就食晏啦, 去咗買米線, 好滿足! 食完老細話唔返又要攞嘢落樓佢簽, 下午都係忙忙忙, OT到6點才走得, 返去接笨元仲要買埋餸, 遲咗半個鐘就所有嘢都遲半個鐘以上, 揍得佢返到去都7點多, 叫佢去沖涼我就煮飯, 不一會老公回來, 仲仲梗係周屋搞, 老公又去咗沖涼, 我都唔知顧個廚房定柏仲好, 終於煮好個飯食得, 到我可以坐低食時都冇咗一半餸, 真係好淒涼! 快手食完又洗碗啦, 抺地抺到一半仲仲已經被K.O., 咪叫老公接手抺, 因為我仲未睇子元功課, 睇完就溫書, 英默星期五默但淨係溫咗個背默, 激死! 最終有個字串極都唔識, 要佢抄20次, 抄完後…其他全部字都記得哂! 呢個方法好似又有效! 等佢做好埋視藝個功課就瞓啦, 我終於可以沖涼啦! 攰到我睇睇吓奇皇后都瞓咗!