15/12/15

15/12/15   TUE   COLD

今日要揍仲仲比月希媽揍, 條友可能想儲夠力去玩, 所以揍子元撘校車都未醒, 咁我就照揍子元落去啦, 上嚟見仲仲攞咗隻蕉嚟食, 真係服咗佢! 執齊嘢就一齊落去人地屋企啦, 放低嘢就一齊落樓, 姨姨帶佢去食早餐, 喺商場分手好D, 因為仲仲有街去就冇咩所謂! 跟住我地就返工啦, 之前去食個早餐先, 同老公傾之後點安排, 其實都冇咩選擇, 所以都係見步行步! 返到公司又係好忙, 最慘係連工展會搬硬幣都關我事, 咁冇所謂GE, 苦力呢D我都做慣架啦! 咁到咁上吓就出發囉, 不過因為老細返咗嚟, 整吓呢樣嗰樣嘈吓交咁又遲咗, 4點多先出到發, 過到去又唔係放低就走得, 結果返到去長沙灣都過哂5點半, 蝕哂! 同阿媽喺巴士站交收子元, 又要返去接仲仲啦, 由於冇買餸, 都係要食外賣, 不過今日就食Pizza Hut, 個飯子元可以明天帶飯用, 咁食完就要睇功課溫書啦, 期間佢地都係玩! 今日咁出吓去, 都幾攰吓!