20/12/15

20/12/15   SUN   COLD

今朝如常咁起身去畫班, 然後食完早餐去買吓嘢咁囉, 夠鐘就返去接佢地, 返到屋企又係食藥休息, 但我就冇咩休息, 因為老公要去送飯比奶奶, 咁我睇住佢兩個, 先打暈仲仲, 老公回來後我就落樓買日用品食物, 返上樓後再睇笨元有咩功課, 發覺好多要借書, 咁就捉埋笨元去圖書館, 怕到時太多人借咗冇書借! 點知返到去發現仲仲醒咗但老公仲瞓緊, 佢就散到一屋都係嘢啦, 重點係攞咗老公個銀包, 馬上叫醒佢自己收拾番啦, 仲有連櫃筒內的牙膏都攞埋, 真係叫救命囉好在佢開唔到咋! 收拾好就出去啦, 因為我已經好餓, 老公話去奧海城睇tomica, 過到去先食嘢, 真係咩都好食啦! 人多都死我又冇食藥, 最終打咗幾個鐘噴嚏真係好辛苦, 仲要返阿媽到食冬至飯嘛, 柏仲又坐唔定, 我真係完全唔知自己做咩, 總之快D返屋企快D食藥後, 打暈佢兩隻嘢就沖涼啦! 食埋隻眼瞓藥, 唔洗半個鐘已經想瞓!