30/11/16

30/11/16   WED   COOL

今日都係如常咁返工返學啦, 仲爺起身又一齊落去啦, 老公今日早咗起身, 所以早落去攞車就未夠8:20已返到學校, 返到公司都係做吓公事做吓自己嘢啦, 午飯簡單地食杯麵叮叮牛肉咋, 下午都係做吓公事做吓自己嘢, 食埋個tea放工又去接笨元啦, Gloria過咗嚟找我幫佢print嘢, 所以一齊行去接笨元, 回家一會就要落樓接埋仲仲, 老公約咗同事食飯, 返上樓簡單地煮飯, 食完洗埋碗都係8點幾, 比佢兩個玩吓, 我就執咗仲爺D行李先, 然後才趕佢去瞓, 老公9點多就返到嚟啦, 可以沖埋涼噯佢兩隻寶貝! K.O.咗仲爺就要睇子元的功課, 又要睇吓佢執咗D咩, 條友執到亂哂龍, 都係要幫佢手架啦, 執到10點幾我先去沖涼, 都只係執咗佢地兩個的, 我自己嗰D都冇執過! 沖好涼就睇電視摺衫, 12點多瞓覺了!

29/11/16

29/11/16   TUE   COOL

今日就如常返工返學啦, 仲爺真係好好笑, 鬧鐘響學我彈起! 同陸生食埋早餐先返工, 不過今日堅係忙, 都唔知自己忙咩, 午飯又要去買飯, 下午都係忙公事啦, 搞到我都唔得閒睇旅行D嘢, 放工先去接笨元, 然後就去荃灣剪頭髮, 我地到先就剪先啦, 等老公嚟得都7點多, 都要等吓先有得剪, 仲爺實係喊到隻嘢咁GE, 佢真係好忙嗰個電剪! 剪完去食燒味飯, 呢間嘢真係除咗好食冇咩好, 又趕你快又迫! 食完都回程啦, 送咗嫲嫲返去就回家, 快手K.O.佢地又已經好夜, 睇埋功課沖完涼已11點, 又要邊睇電視邊摺衫!

28/11/16

28/11/16   MON   COOL

又要返工返學啦! 朝早仲爺一聽到鬧鐘就一齊彈起, 揍完哥哥快手返學啦, 今日都好趕呀, 陸生成日賴床! 返到公司都係做吓自己嘢啦, 今朝又唔洗開會, 輕輕鬆鬆啦! 午飯去咗學校交番封遲接放學信, 然後去買麥當勞食, 真係好熱氣! 下午返去都做吓公事做吓私事, 不過最大係搞旅行件事, 程家又想改行程, 覺得睇風景的時間太少, 其實都遇咗3個鐘左右睇啦, 墾丁又唔係真係大得咁緊要, 點解要cut 朱古力呢, 唉…爭執內容我都唔想提, 但就係要你讓步囉, 最終講到第二日行程唔可以變, 因為第二日其實已經去3個地方, 再插埋朱古力落去而第三日只睇景點我覺得仲sai! 其實講到尾係因為程太去過2次墾丁, 去過海生館, 但冇咩睇景點, 所以今次主力只想睇景點會佢個囡要浸溫泉, 但佢就冇諗過人地想睇咩, 我想食海鮮…行墾丁大街, 當初都初否決架, 係我極力爭取下先有, 所以我估都冇下次一齊去旅行架啦, 始終旅行腳不是咁易找的! 放工去學校接笨元, 一齊行返去買餸, 因為琴晚打邊爐D嘢未食哂, 今日繼續! 返到去唔洗煮, 所以hea吓, 7點幾老公返到嚟就開始setup啦! 今日唔洗對功課, 因為中英數老師都冇返喎! 食完收拾完只想快手K.O.佢地我可以休息! 問過老公今日睇完程家對行程的改變有咩體法, 佢覺得當初又話老人家唔適合行咁多, 但又去咁多景點, 咁即係點呢, 佢話必要時咪第三日各有各玩囉, 反正有兩架車!

27/11/16

27/11/16   SUN   COLD**

老公今晚返啦, 少咗一隻船做可以提早返嚟! 不過都要晚上先返到, 日間照常活動! 8:30程生來接我地去畫班, 然後食早餐, 買嘢, 接婷婷等等, 11點多車埋我地返去! 佢有佢地玩, 我有我做家務, 12點到奶奶過咗嚟, 冇諗過佢咁早, 不過都好多個人幫吓手! 2點多出去食大快活午餐, 然後行吓百佳就回家, 先K.O.仲仲午睡, 然後同子元溫書, 溫得嚟都5點幾啦, hea到7點多才預備打邊爐, 不過老公7點幾先落機, 所以我地邊打邊等, 但9點老公都未返到, 奶奶自己閃咗先啦, 9點幾老公返到嚟, 我地梗係好熱情迎接佢, 同埋迎接佢D手信, 好多好多呢! 佢有佢食嘢我地有我地研究手信, 忙忙亂亂咁, 10點多先切咗蛋糕食等仲爺可以去瞓, 我地繼續執嘢, 到11點幾先有得沖涼呢, 打陣機已經好攰, 要瞓覺啦!

 

 

 

 

 

 

26/11/16

26/11/16   SAT   RAIN

今日正值長周, 陸生又出咗差, 所以兩位少爺交咗比婆婆, 仲爺6點幾就醒咗, 我完全冇覺好瞓, 勁頭痛! 等婆婆嚟到我就出門口, 買埋早餐返工, 返到去都係做自己嘢啦, 忙忙碌碌咁又一朝, 放工返去已經有午餐食, 都係食通粉咗, 食完叫阿媽幫我揍子元去學校乒乓球, 咁我就行少轉! 同仲仲做功課溫書, 再玩一陣又差不多要去接子元, 不過最大穫係落雨, 又推唔到車仔, 咁唯一可以的方法就係揹住仲仲, 佢仲要唔肯著鞋, 想放佢落地抖吓都唔得, 我真係要揹足全程, 肩膀都甩! 終於接咗笨元, 撘巴士返去啦, 喺巴士仲爺已經瞓咗啦, 咁返到去我地有幾個鐘休息吓啦! 笨元話佢做哂功課, 咁我都係要對功課先啫, 書明天再溫! 6點幾煮晚餐, 都係食意粉咋, 到7點幾煮起仲仲都未起身, 唔理咁多我地食住先, 佢醒再比佢食, 果然食緊佢已經醒咪一齊食囉, 食完都係玩吓hea吓, 9點多捉佢沖涼, 10點前又趕番仲爺入去瞓, 我地都係沖涼睇電視啦!

 

 

25/11/16

25/11/16   FRI   COOL

今日揍子元時吹多咗陣水, 所以返去又要換禮服咁, 遲咗出門口又要等巴士, 好在都趕得切開門前返到嚟! 揍咗佢地入去就返工啦, 今日都好忙呀, 朝早都要開SALES會, 又要整工展D證, 午飯後又要開annual dinner籌備, 都冇咩做過自己嘢! 係等D老細走咗後就幫子元找找常識專題報告的資料囉, 要做旅行喎, 好在而家咩都有得上網找嚟print啫! 放工直接返屋企, 咩都唔洗做, 奶奶搞掂哂, 我只係返去攞衫出小童同佢地換咋, 不過就要自己行去泳池啦, 揹哂佢地D嘢都幾係重吓! 返到去仲爺應該起身不久, 咁今晚諗住食丁麵同烏冬, 餸奶奶又整得七七八八, 所以我今日好輕鬆! 可以hea吓咁啦, 8點幾佢地嚟到都係沖好涼開餐, 主要係煲水整麵要時間囉, 得我地兩家人, 感覺唔知點解真係free好多, 唔怕D細嘈會比人鬧, 又唔怕大嗰幾隻嗌交, 食完就執碗洗碗啦, 10點多佢都閃啦, 咁就同仲爺沖涼瞓覺啦, 子元未做好功課冇得睇住, 咪比佢睇埋電視先瞓囉! 我快手沖完涼就睇解碼追兇, 12點幾瞓!