1/11/16

1/11/16   TUE   COOL

今日真係凍咗好多啦, 兩個返學都要著褸! 老公今日要早返公司, 所以我同仲仲自己撘車返學, 好早就返到去呢! 跟住又要自己去撘地鐵, 不過因為唔係好記得蒸完飯有冇閂爐, 結果都係返屋企望一望安心D, 好在係有閂的! 返到公司都係做吓公事做吓私事啦, 午飯後老細返咗嚟, 都係阻頭阻勢啦! 好在之後都係佢地D高層開會咁啫! 係之後要幫佢搞吓電腦嘢啦! 放工接子元買餸返去煮飯啦, 今日都算快手架啦, 不過仲仲有D咳, 唔同佢去跑步啦, 只係我同子元去跑, 條友好過琴日D啦, 唔會死狗咁! 跑完返上去再對好D練習, 都係錯D常錯嘢啦! 跟住仲有好多嘢做, 洗嘢啦, 睇仲仲的功課, 影印定中文練習子元明天做! 再摺得衫時已經11點幾, 真係冇咩自由時間!