9/11/16

9/11/16   WED   COOL

今朝開始凍, 但笨元都係話要著夏季, 不過明天真係凍一定要佢換冬季! 今朝要蒸飯, 要早起啦, 搞掂出問口啦, 返上樓仲爺換校服, 佢就好乖咁換咗冬季啦! 揍咗佢地我就返工啦, 今日老細同D高層出哂差, 最開心係咁, 完全放肆吓咁啦! 午飯後睇吓電視, 下午收到Gloria msg, 話子慧跳舞考試撞咗期, 喺正3/12, 去唔到台灣! 大家講咗一個下午, 似乎都冇彎轉咁, 睇埋星期五商量吓點, 我地覺得佢MISS太CHUR, 除非佢諗住子慧大咗係跳舞搵食啦, 否則考少一次係可以囉, 咁人生除咗跳舞仲有其他嘢架嘛, 要平衡發展吓! 若佢真係唔去又要cut酒店等等其實都煩架! 放工喺巴士站會合子元, 因為老公有嘢做接唔到仲仲, 我地要入青衣, 咁食埋飯先走囉, 笨元未做好功課要做埋先啦, 仲爺食飯又係食到衰衰咁啦! 食完8點多閃啦, 等得巴士返去都8點幾, K.O.咗仲仲叫子元做埋D功課, 我就沖涼, 笨笨都好幫到手架啦, 洗好杯袋咁, 之後同佢默埋中文就叫佢瞓, 我仲要做家務呢! 老公11點多先返到嚟, 我本來都想瞓, 但刷完牙又好似醒番D, 於是睇埋芉月先瞓啦!