8/11/16

8/11/16   TUE   WARM*

今日都係一早比仲仲嘈醒啦, 兩個又慢吞吞, 搞到19分先出到門口, 好在趕得切咋! 返上樓又係要快手出門口啦, 揍咗仲仲就返工啦, 今日都唔算有咩忙, 做吓自己嘢咁啦, 午飯返過去邊睇電視邊食啦, 下午老細返咗嚟, 不過都係同佢D愛將開會啫, 真係開足一個下午, 都唔知佢地開咩, 跟住我地就可以自由自在D啦! 放工先去入錢過錢, 再去接子元, 今日出去食呀, 咩都唔洗買輕鬆D! 返到屋企樓下老公打嚟話佢已在青衣出發, 咁返上樓放低嘢咪落樓join佢地囉, 去愉景新城嘛, 本來係我想買番對出得街嗰D拖鞋GE, 但最終變咗子元買到對cross囉, 減咗價都係3百幾, 已經平咗百幾蚊架啦! 跟住去outback食, 堅係飽呀! 食完去奇華換埋D餅, 佢地去反斗城, 我想去睇鞋但冬天換哂季冇哂! 唯有join番佢地囉, 嫲嫲又買玩具比佢地, 真係開心, 之後仲上咗去夾公仔, 都夾到D咁啦, 9點多啦要返屋企, 細路沖涼瞓覺, 我就好多嘢搞, 執番好D嘢沖涼都已經就嚟11點, 沖好涼仲要摺衫, 今日夠精神睇埋芉月就瞓啦!