24/11/16

24/11/16   THU   COLD

今朝要自己揍仲爺返學, 佢聽到我鬧鐘又一齊起身, 咪快手同佢換埋衫一齊落樓囉, 不過都要快快手手出門口, 冇特別睇幾點有車, 好好彩落到去就有巴士, 轉車又有小巴, 所以8:20就去到學校! 先返公司做D嘢, 再攞齊嘢去工展做證, 然後又過商會開票等等! 12點前過到去酒樓迎賓, 老細有老細坐一枱, 我地D後生呀細GE坐另一枱, 開開心心吹吓水都幾好! 差不多2點食完就返上去複選, 本來老細話就咁舉手選, 我地咪叫佢唔好傻囉, 有人要查票咁點呀, 又唔係趕得咁緊要! 最終都係如佢地所願咁選啦, 3點幾又趕下場去中藥業喎, 好在我唔洗去啫! 咁咪先去接咗笨元返屋企, 等佢做好功課再入青衣食飯囉, 食完揍埋仲仲一齊返屋企沖涼瞓覺, 我都係要做吓家務睇吓功課咁啦, 睇埋電視12點幾瞓!