27/11/16

27/11/16   SUN   COLD**

老公今晚返啦, 少咗一隻船做可以提早返嚟! 不過都要晚上先返到, 日間照常活動! 8:30程生來接我地去畫班, 然後食早餐, 買嘢, 接婷婷等等, 11點多車埋我地返去! 佢有佢地玩, 我有我做家務, 12點到奶奶過咗嚟, 冇諗過佢咁早, 不過都好多個人幫吓手! 2點多出去食大快活午餐, 然後行吓百佳就回家, 先K.O.仲仲午睡, 然後同子元溫書, 溫得嚟都5點幾啦, hea到7點多才預備打邊爐, 不過老公7點幾先落機, 所以我地邊打邊等, 但9點老公都未返到, 奶奶自己閃咗先啦, 9點幾老公返到嚟, 我地梗係好熱情迎接佢, 同埋迎接佢D手信, 好多好多呢! 佢有佢食嘢我地有我地研究手信, 忙忙亂亂咁, 10點多先切咗蛋糕食等仲爺可以去瞓, 我地繼續執嘢, 到11點幾先有得沖涼呢, 打陣機已經好攰, 要瞓覺啦!