5/11/16

5/11/16   SAT   HOT

今日係仲仲第一次學校旅行, 地點又係大棠, 我地已經嚟第3次呢! 今朝7點幾就要出車, 接咗程家去食早餐再放低子元去婆婆到, 跟住就入青衣, 呢堆嘢喺1個鐘左右就要做哂呢! 今年好快點好名上車喎, 車程上梗係好多嘢忙啦, 所以感覺上都好快就到, 不過今次多咗好多活動呀, 又要影景點, 又要集郵, 集不同分校的2個小朋友, 所以一開始就好忙咁影相囉! 同婷婷會合後就去大草地玩遊戲儲埋貼紙換禮物, 11:45N組K1食頭圍, 仲爺可能都係病病地又熱, 食得好衰囉, 捱完餐飯又生猛番哂, 係咁話要坐車車, 最終老公抵唔住啦買咗張卷比佢玩, 咁又可以去撈金魚, 餵羊仔, 仲仲咩都唔驚, 但我就好驚, 因為佢爬繩網爬到好高, 去到我地掂唔到的高度, 怕佢失足差錯腳嘛, 我就好嘈咁喺到叫, 陸生就叫我唔好叫, 好在我夠嘈有家長喺頂嗰到幫手接應仲爺! 所以都係去玩D喺地面GE嘢, 仲仲餵羊餵得好開心, 完全唔怕囉, 跟住都差不多時間集合, 慢慢行返去又要去吓廁所等等, 都好準時可以上到車, 3:30未夠已返到青衣, 同程生會合埋就出長沙灣, 又要接程太又要接子元, 各自回家梳洗, 今晚一齊打邊爐! 大把嘢要執要洗, 忙忙亂亂, 我頭痛到爆, 喺梳化瞓咗, 老公要去載奶奶出尖咀飲, 等佢搞掂回來接我地過程家打邊爐, 都食到9點幾先走, 明早又要畫班啦!