10/11/16

10/11/16   THU   COOL

今朝仲爺又一早起身啦, 今日凍本來想唔帶佢落樓, 但佢係都要落囉好煩, 之後仲落雨喎! 今日去仲仲學校講故事, 所以揍咗佢地入去就喺學校樓下食早餐, 食完就上去等, 講故事係有得睇埋早會操呢, 仲仲唱歌跳舞真係冇難度, 不過喺學校佢係呆好多咁, 同平時喺屋企個樣完全唔同! 講故事比小朋友聽好有滿足感, 只要誇張少少, 佢地就覺得好有趣, 我個故事又真係簡單易明又有趣GE, 講D米去沖涼, 跟往好熱好熱就變咗飯! 講完送埋貼紙比小朋友, 仲仲之前話過要幫手派, 咁就比派埋一份, 大家都好開心呢! 影埋相就要走啦, 唔洗10點已返到公司! 返到去都係做自己嘢啦, 午飯後就睇電視囉, 下午都係做吓公事做吓自己嘢咁, 放工去接笨元, 諗唔到買咩餸又凍咗咁多, 一於打邊爐啦, 接咗笨元先去買料, 點知去到巴士站見報站系統話油麻地嗰邊塞車, 咁就轉撘地鐵啦, 都差不多7點先返到去呀! 叫笨元做埋D功課我就整嘢打邊爐, 今日派咗常識卷, 有89.5分, 佢都好唔抵差0.5分就可以攞到2粒星, 成日都係寫漏字, 有D提供埋個字都錯, 填ABC又可以錯, 真係比佢激死, 不過都叫做合理啦, 我嘔嗰幾桶血都值! 食完嘢洗好嘢都仲有好多嘢做咁, 老公病病地, 食咗藥等仲爺瞓咗佢都瞓, 咁我就做囉, 又要對功課又要作定句比子元默中文, 阿媽話佢讀默背默都OK架啦喎, 咁我淨係比佢默詞語啦! 到10點幾先可以去沖涼呢, 睇埋電視12點幾瞓呢!