20/11/16

20/11/16   SUN   WARM

今日子元朝早踢波比賽, 所以8點多佢地就出咗去, 我同仲爺就二人世界, 到8點9仲爺迫我起身, 佢話玩水玩到個身濕哂, 咁都要起身服侍佢架啦, 睇吓個戰場比佢搞成點, 原來佢將D毛巾呀海棉呀放水玩, 仲將支牙膏擠落去廁板到玩, 咁都唔算好嚴重! 梳洗完就同佢出去食早餐, 但美孚間麥記裝修咗, 不過仲差咗, 又迫又等得耐D嘢又唔齊! 食完就去遊樂場玩, 由底層玩起, 咁都玩哂3個遊樂場, 然後去埋惠康入吓貨, 12點多先返到屋企, 沖個涼咁老公就返嚟接我地, 入青衣同嫲嫲食午飯, 然後就去睇戲, 仲爺返嫲嫲到瞓覺, 我地同子元去睇奇異博士, 片長都係兩個鐘唔夠, 所以睇完可以行一陣先返去接嫲嫲去晚飯, 佢話想食西餐, 咁就帶咗佢去愛群餐廳食, 仲仲又煉仙食得好少嘢! 送咗嫲嫲返屋企我地就回家, 老公要整番好架車個噴油, 所以叫子元攞嘢落去幫手, 咁我又同仲爺兩個喺屋企, 襯同佢沖涼時間吸咗塵, 又襯佢飲奶時間抺地, 總之就muti-tasking啦, 之後我沖涼時原來子元自己上來先, 但我聽唔到門聲, 好在佢都醒目落去管理處再打電話比我! 等佢返上嚟沖好涼陸生先返, 等佢沖埋涼都瞓啦, 反正冇咩電視追!