2/11/16

2/11/16   WED   COOL

今日仲爺又早起身啦, 佢幾時先識瞓晏D! 揍咗哥哥就返上樓出門口, 今日都算早, 唔洗跑! 跟住就去太興食埋早餐先返工, 因為老公要去長沙灣攞嘢, 所以可以車埋我返公司! 今日都唔係有咩做, 所以都係勁HEA, 午飯後都係睇電視啦, 下午老細又返咗, 又係到開會, 其實佢地都幾慘, 成日都開會! 放工諗住接咗子元先去買打邊爐D料, 順路D嘛, 咁就打返去叫子元執定嘢先, 點知……佢完全冇攞我影印好嗰份中文卷出嚟做, 仲要好無知咁! 我真係喺街都火起, 又鬧又話唔返去接佢, 真係激到我死! 最終我係去買咗餸, 再去接番子元囉, 黑咗佢一程面呀, 因為我堅係火! 返到去咪叫佢快手D做番好D嘢囉, 今晚打邊爐, 冇咩嘢煮, 洗好食得嚟都8點多, 收拾洗碗抺地後已差不多9點, 所以只係去跑步咋, 郁吓都好啦! 返上去沖好涼又要對番佢D卷, 叫佢溫吓填充D字囉, 盡咗人事架啦, 聽天命啦!