23/11/16

23/11/16   WED   RAIN+

今日老公可以車到我地返工, 不過就要快手返公司搞掂D嘢出發去機場, 所以冇一齊食早餐啦! 我返到公司都好忙呀, 明天又要出去做嘢, 所以今日要做好哂D嘢先, 又skype吹吓水咁啦! 午飯要落去買呀, 之後都係睇吓電視打吓機咁, 但老細點幾返咗嚟, 嘈住哂好麻煩! 下午都係好忙咁做嘢呀, 我好少咁忙架嘛! 放工叫咗阿媽揍子元嚟巴士站會合, 咁可以快D返到青衣, 仲爺仲瞓緊, 咁我地開飯先叫醒佢囉, 食完飯7點幾遇番時間撘42返去呀, 都係沖涼呀做吓D濕碎嘢咁啦, 放慢做又比佢地玩吓咁, 最後9點幾先要仲仲瞓, 跟住又睇吓笨元D功課啦, 再叫子元自己換季, 試試D衫啱唔啱, 我就去沖涼啦! 冇再同佢溫英默呀, 佢話識嘛, 阿媽又話幫佢溫咗! 咁10點幾要佢瞓啦, 但佢又咳得勁喎, 都係要佢聞氣咁啦! 我摺埋衫12點多都瞓啦, 老公過到去日本都真係忙, 我瞓之前不久佢先返到酒店!